قصة التوبة
...
كنا بنتكلم من يومين أنا وواحدة صاحبتي عن فيلم رابعة العدوية
فافتكرت موقف تحفة خاص بالفيلم
أول مرة اتفرجت عليه كنت في خامسة ابتدائي كنا في السعودية
وهناء أختي الأكبر مني كانت في تانية إعدادي تقريباً
شفنا الفيلم من هنا وقررنا التوبة ..
على إيه مش عارفة بس قررنا نتوب
وبالليل ظلمنا الأوضة وسهرنا نصلي ونعيط لغاية الفجر
وإحنا مش باينيين من الأرض أصلاً
بس كان ناقصنا كيس الصراصير والتعابين وكده عشان نعيش صح
تاني يوم حكينا لماما وبابا قعدوا يضحكوا علينا
لغاية دلوقت كل ما الفيلم ييجي
هناء تتصل بيا وتقولي عايزين نتوب
قلوب الأطفال بريئة وجميلة وطاهرة بجد
احنا دلوقت اللى محتاجين التوبة ده ومحتاجين نعيش بالروح ده
...
No comments:
Post a Comment