" تنظيف .. فقاقيع .. حـــوادث "
![](https://blogger.googleusercontent.com/img/b/R29vZ2xl/AVvXsEgL5bQxm7ajmQYflYd7479bhog2PWtAVF_Z0cdIuYe9zLxswrJR-8y_LZp6onR3fpwjbsDXPHBS8G2Uiv8xeOj057baSvk_lBQaW6MDRcUwtBqvy4GEEJ5D_uWWBOBYqQUfHq2zBj5wVWw/s320/bubble+girl.jpg)
كل سنة وانتم طيبين وعلى ذكر الأعياد في ثالث أيام عيد الفطر المبارك
وبعد تناول الكحك والبتي فور وفرقعة البمب والصواريخ الملونة كمان
وجدت عندنا في الشقة كرسي بلاستيكي قديم ملطخ بألوان الطلاء ,, قررت
أن أنظفه جيداً وأرسله للمسجد علُه يكون صدقة .
تحمست بقوة للفكرة بعد شرب كوب كبيييير من السفن أب الساقع جدأ
جهزت عدة التنظيف وملابس مخصوصة للمواقف التي من هذا النوع
وضعت في إناء قليل من الماء الساخن ومسحوق التنظيف وبعض من
الكلوروكس (كتار حبتين) عشان الحماس والضمير وفتح والعيد وكده
وأغلقت باب الحمام وبدأت أن أزيل آثار الطلاء منه .
وبعد عشر دقائق من التنظيف فوجئت بوجهي شديد الاحمرار
وألم قوي في صدري ولا أستطيع التنفس أو حتى فتح الباب
كي أنادي على أحد من البيت لإنقاذي وجلست على الأرض أكلم نفسي
" إيه ؟؟ إيه الحكاية ؟؟ مش معقول تكون النهاية جوة التواليت
ده حتى الواحد يبقى منظره وحش قوي "
وبعد مجهود فتحت الباب الذي كان أشبه بأبواب القصور الحديدية الضخمة
في تلك اللحظة , خرجت ثم رميت بنفسي على الكرسي ومازال الألم مستمر
ومازال الهواء يرفض مصافحة رئتايُ بعد محاولات كثيرة للتنفس
لا أخفيكم سراً فقد فزعت عائلتي لمنظري المثير للرعب , ذهبنا
إلى المستشفى كانت الحادية عشر ونص ليلاً تقريباً دخلنا قسم الطواريء
حقنوني بأمبول أفيل وفورتاكوتين ثم وضعوني تحت جهاز الأكسجين
نصف ساعة تقريباً
إلى أن بدأت أشعر ببعض التحسن والحمد لله ثم عدنا إلى المنزل .
شعوراً صعباً للغاية عندما يشعر المرء أنه لا يستطيع التنفس
بكيت كثيراً يومها هو نفس بكائي على أحمد حلمي في فيلم آسف للإزعاج
عندما كان يبحث في الكاميرا واكتشف أن حبيبته ليست إلا
في خياله (كانت لقطة عبقرية بجد)
حمدت ربي على غفران الذنوب وابقائي على قيد الحياه .
ومنجلكوش في ضيق نفس
إلى أن بدأت أشعر ببعض التحسن والحمد لله ثم عدنا إلى المنزل .
شعوراً صعباً للغاية عندما يشعر المرء أنه لا يستطيع التنفس
بكيت كثيراً يومها هو نفس بكائي على أحمد حلمي في فيلم آسف للإزعاج
عندما كان يبحث في الكاميرا واكتشف أن حبيبته ليست إلا
في خياله (كانت لقطة عبقرية بجد)
حمدت ربي على غفران الذنوب وابقائي على قيد الحياه .
ومنجلكوش في ضيق نفس
..
20 comments:
شكرا جدا على نصيحتك البسيطة في تعليقك عندي
:)
عايزة أقوللك إن الكلمة "قولله"أو "هقولله"أو أي حاجة شبه كدة دايما بتدايق لما بكتبها كدة بس الحقيقة:$عمري ما فكرت أشغل مخي و أغيرها رغم بساطتها
كل سنة وانت طيبة :). هاجي تاني إن شاء الله بس حييت أشكرك الأول
ملحوظة: بحب البنوتة اللي في الصورة دي أوي:). عندي في مدونتي على جنب و كمان كنت حطاها الخلفية في كمبيوتري:).بجد حبيت مدونتك لما لقيت البنوتة دي
تحياتي
Wish I were a Butterfly
عايزة أقولك إني أنا واخدة الصورة من عندك أصلاً
نورتي المدونة
كل سنه وانتى طيبه
عيد سعيد مليان بالحب والخير
عيد سعيد مليان بالامل والسعاده
عيد سعيد على كل البشر
والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد
romansy
كل سنة وانت طيب
عيد سعيد علينا كلنا يارب
يارب تتحقق كل أمنياتنا وأحلامنا
نورت المدونة وأرجو إن الزيارة تتكرر
سبحان الله
فعلا مش بنحس بالنعمة الكبيرة اللي إحنا فيها غير لو اتحرمنا منهاولو للحظات
أنا كمان أول إمبارح حصل كدة معايا أكتر من مرة الحمدلله:). بس كانوأنا نايمةوجالي ضيق تنفس أكتر من مرة
حمدلله على سلامتك بجد...والحمدلله إننا لسة في الدنيا
المهم وديتي الكرسي في الآخر؟ ;)
Wish I were a Butterfly ...
بعد الشر عليكي يا جميل ليه كده ؟
مشاركة وجدانية ولا إيه ؟
ألف سلامة عليك
الحمد لله الكرسي وصل بالسلامة بعد ما طلع عيني وكان هيطلع روحي بس ربنا لطف
الف سلامة ياحبيبي
كل ده حصل ؟ :(((
الحمدلله انك كويسة
وخلى بالك من نفسك :)
كله بثوابه ان شاء الله
ده المؤمن الشوكة يشاكها يؤجر بيها
شوفى بقي اللى حصل ده
ربنا يحفظك ليا يارب :)
الحمد لله على سلامتك وانها جت على اد كده
:)
وكل سنة نتي طيبة وشرفتي مدونتي المتواضعة بزيارتك ليها
ومبروك عليكي مدونتك شكلها لسة جديدة
يارب تكون كلها في ميزان حسناتك وتكون سبب من اسباب فلاحك ف الدنيا والآخرة
:)
معلش مخدتش بالي م الأرشيف وافتكرت ان البوست ده هو الوحيد عندك
بس بردو مبروك علينا انضمامك لعالم المدونات من اربع شهور
:))
آلام وآمال
متشكرة جداً أنا فعلاً لسه جديدة في التدوين
كل سنة وانت طيب
كفاية طيبة
الله يسلمك يا حبيبتي انت فينك مش بشوفك على الفيس بوك بقالي فترة
كل عام وأنتم بخير
altwati
شرفتني بزيارتك
كل سنة وانت طيب
كل عام وانتم بخير:)
أقصوصة
كل سنة وانتي طيبة يا جميل
نورتيني
أقصوصة
كل سنة وانتي طيبة يا جميل
نورتيني
السلام عليكم
الف سلامة يا جميل، وربنايهديك دائما لأعمال الخير.
مروري هنا جاء اليوم بالصدفة لاكتشف صدفة أجمل، وهي أن أنا وانت اخترنا نفس الرباعية من رباعيات جاهين للتعريف بشخصياتنا، وأنا أيضا أرى أن المشهد الذي ذكرته من فيلم آسف على الإزعاج مشهد عبقري. ورب صدفة خير ممن ألف ميعاد ههههههههه
زيارتك لي أكيد حتشرفني
في انتظارك وعيد سعيد عليكي يا رب
الوردة البيضا
الله يسلمك يا جميل شكرا لمرورك الرقيق
وأتمنى تواجدك الدائم كل سنة وانتي طيب
أكيد أحلى صدفة طبعاً
يشرفني معرفتك
وإن شاء الله هيكون ليا متابعة لمدونتك
وبعض من
الكلوروكس (كتار حبتين) عشان الحماس والضمير وفتح والعيد وكده
وأغلقت باب الحمام وبدأت أن أزيل آثار الطلاء منه
.......
هههههههههههه
حماس وفتح؟؟
وقفلتى الباب؟
يبقى عملتى ايه من عندك يعنى؟
ألف بعد الشر عنك
وحمد لله على سلامتك
كل سنة وانت طيبة ولو انها متأخرة كتير خالص
فى انتظار القادم
تحياتى
كاميليا
أخيراً زورتيني منورة
وانت طيبة يا جميل
Post a Comment