أصدقائي الغاليين قوي على قلبي
أنا جاتلي رسايل كتير من ناس بيطمنوا عليا عشان بقالي فترة مش بكتب
بجد مش عارفة أشكركم إزاي ربنا يكرمكم يارب
أنا أصلي اكتشفت إني كنت بكتب بقالي فترة طويلة ومكنتش بعلق عند حد وبالتالي محدش عارف المدونة بتاعتي أصلا ولما بدأت أدخل وأقرأ وأعلق , الناس بدأت تدخل عندي وتعلق على آخر موضوع بس
عشان كده أنا بديكم فرصة تقروا القديم وتقولولي رأيكم وهرجع تاني قريب إن شاء الله
تاني حاجة أنا كنت مشغول الفترة اللى فاتت عشان مامتي كانت تعبانة شوية والحمد لله دلوقت بقت كويسة
وكمان كنت مشغول شوية في الجروب اللى عملته في موضوع جلد الطبيبين على الفيس بوك
مش قادرة أوصف الموضوع ده زعلني قد إيه
ربنا يظهر الحقيقة وينصر المظلوم ويلطف بيهم
وده اللينك اللى عايز يشترك
http://www.facebook.com/group.php?gid=35492682957&ref=mf
سلام
6 comments:
ايه ياعم الف سلامة على طنط
ان شاء الله تكون احسن دلوقتى
طمنيني عليها الله يكرمك
وفعلا انتى غايبة بقالك كتير اوى ومش بتكتبي حاجة جديدة
يلا اكتبي حاجة جديدة بقي
:)
الله يسلمك يا حبيبي
الحمد لله هي كويسة دلوقت
وحشتيني
وانتى كمان وحشتيني اوى
مش بتيجي ليه عالماسنجر :(
الف سلامة لماما
وابقي بليييز طمنيني دعاء
موضوع الطبيبن ده موضوع غريب
انا في السعودية
والسعودية كاي مكان في العالم اسوا حاجة انه يتعرف انك مصري
هتكون مستباح جدا
هش جدا
ضعيف جدا
ربنا ينتقم بجد من الخارجية المصرية الغبية
التي لا تفعل شئ للمصريين بالخارج الا تحصيل رسوم علي كل توقيع
بجد كل الناس هنا بتعاني من ضعف وتخاذل الخارجية المصرية اللعينة
الاول حاسبوا الخارجية هناك
قبل مات تحاسبوا الداخلية هنا
لعنة الله عليهم جميعا
ساعد نسرين الأيمن
الله يسلمك متشكرة جداً
هي كويسة دلوقت الحمد لله
أنا كمان كنت عايشة في السعودية فترة
وعارفة بعضهم بيعامل المصريين إزاي
للأسف الخارجية مش بتتأثر بأي حاجة
ربنا يرجعك بالسلامة
عودا سالما للتدوين
Post a Comment