Tuesday, March 24, 2009

إلى اللــــه

" إلى اللــــه ..... "




أصدقائي وحبايبي وزوار المدونة
أنا مسافرة عمرة بكره إن شاء الله

طيارتي 7:30 بالليل

رحلة كنت مستنياها من زمان
أنا مش أول مرة أروح أنا عشت في السعودية فترة
بس مرحتش من زمان قوي
ربنا يتقبل منا جميعاً ويهدينا ويجعلنا كما يحب ويرضى

هتوحشوني قوي وبجد هدعيلكم كلكم

سلام

...

..

Thursday, March 19, 2009

وبعد السنين

وبعد السنين ....
2008/12
..






هاتفني اليوم من كان سيتزوجني بالأمس قائلاً : أنا قريت فاتحة ,
اندهشت لصوته الذي يقطر حزناً وقلت له : ألف مبروك ربنا يتمم بخير
شعرت بالدموع تخنق صوته وهو يحدثني عن لياليه التي مازال يراني فيها
وعن عيناي التي مازالت تحرس نومه .

أبقاني على الهاتف منتظرة وهو يتذكر لقائاتنا وحواراتنا ولزماتي في الكلام
ظل يحكي عن حلمه الذي انتظره طويلاً بلا تحقق
ظل يحدثني وكأنه قد نسي أني مازلت معه على الهاتف فقد كان بحاجة
إلى سماع صوتي والتدثر به فحسب كي ينسى خوفه ويطمئن ثانية
كان بحاجة لاعتراف لي فقط والاستسلام وإعلان ضعفه أمامي
وفشله في محاولة نسياني وكذبه على من حوله في إدعاء السعادة
ظل يردد كل مميزاتي ولم يتذكر عيباً واحداً

تعجبت منه وهو يصف جمال ابتسامتي التي تنير أيامه
قال لي أني مازلت في قلبه وأنه لم يستطع أن يحب غيري
وأنه لم يشعر مع غيري بطفولته ورجولته وحكمته بل وجنونه
وكل ما يحب أن يشعر به الرجل

بدأ الصوت يختفي تدريجياً بشكل ملحوظ
أنا : آلو ... انت لسه معايا على الخط ؟؟
هو : أيوة ,, معاكي
وسمعته يبكي بصوت ضعيف فمازال بهمومه يرميني
ويتركها عندي ليتطهر من كل ألم
لم أعرف ما يمكنني فعله في هذا الموقف فلم أتركه يوماً ما
حاولت اقناعه بصعوبة أن حبها له سيمحو وجهي من داخله
وأن الوقت سيداوي كل شيء
تركته مع حزنه وأغلقت الخط ..
..
..

Friday, March 13, 2009

سألت نفسي

سألت نفسي ....
..
..



سألت نفسي كتيرمارستش يوم على بر

أنا اللي فيا الخير ولا اللي فيا الشر

مليان عيوب ولا

خالي من الذنوب ولا

مليان عيوب ولا

خالي من الذنوب ولا

ولا أيه !!!!!


ولا أنا جوايا و مش داري الاثنين في بعض

وخمسمائة حاجه و مالهمش دعوة ببعض

أنا مين و فين أنا أيه

مفروش طريقي بورد

ولا الزمان ده أنا فيه

أضعف واحد على الأرض

ولا أنا جوايا و مش داري الاثنين في بعض

وخمسمائة حاجه و مالهمش دعوة ببعض

...

..

Sunday, March 8, 2009

" لحظة وداع "

" لحظة وداع "
.....
...


نادراً لما بتابع مسلسل مش عربي بس ساعات كده بتبعت
في حاجات تركية ومكسيكية وفرانكوكية
مسلسل لحظة وداع بدأت أشوفه من الحلقة رقم 40 تقريباً
وبرده فهمت القصة كلها , عندهم طولة بال غريبة
المهم إنه حلو جداً كل حاجة فيه حلوة ,, هم حلوين
وتمثيلهم قوي ومشاعرهم رقيقة ولبسهم أنيق وبيوتهم جميلة
والبلد تحفة طبعاً والتصوير رائع والأغنية جامدة
...
عجبني حنية ليلة والذكاء اللى في نظرة عينيها
عجبني دور أم زينب ست فظيعة عسولة جداً
وعجبني دور زينب ورقتها ومعاملتها الراقية
وعجبني حب كريم الجنوني لها وإن كان هو اللى سابها
من الأول تقريباً , أصل أنا ضاع عليا 40 حلقة منه
قصدي ضاع عليا مسلسل منه
بجد عاجبني جداً

آه صح بييجي دلوقت على الحياه مسلسلات
اللى هي الزرقاء عشان اللى عايز يلحق يتابع الباقي
...
..